Sorğu
    Saytımız necədir?
    Всего ответов: 169
Faydalı linklər

 
 
 
 
 
 
 
 
 
 
Cihazlar
Manometr (Манометр) - qazların (metal manometr) və mayelərin (mayeli manometr) təzyiqini ölçür. İş prinsipi Paskal qanununa əsaslanır. Kondensator (Конденсатор) - Elektrik yüklərini toplamaq üçündür. İş prinsipi dielektrik mühitlə ayrılmış naqillərin elektrik yüklərini saxlanması hadisəsinə əsaslanır. Termoelement (Термоэлемент) - qızdırıcının daxili enerjisini elektrik enerjisinə çevirir. Psixrometr (Психрометр) - havanın rütubətini ölçür. İş prinsipi quru və nəm (yaş) termometrlərin göstərişləri fərqinə əsaslanır. Tranzistor (Транзистор) - zəif elektromaqnit siqnallarını gücləndirmək üçün işlədilir. İş prinsipi yarımkeçiricilərin elektrik keçiriciliyinə əsaslanır. Transformator (Трансформатор) - dəyişən cərəyanın gərginliyini artırıb azaldan elementdir. İş prinsipi elektromaqnit induksiya hadisəsinə əsaslanır. Reostat (Реостат) - dövrədə cərəyan şiddətini tənzimləyən cihaz. İşləmə prinsipi naqilin müqavimətinin onun uzunluğundan asılı olmasına və Om qanununa əsaslanır. Hiqrometr (Гигрометр) - şeh nöqtəsinə görə rütubəti ölçən cihaz. İş prinsipi doymamış buxarın soyuyaraq doymuş buxara keçməsi hadisəsinə əsaslanır. Dinamometr (Динамометр) - qüvvəni ölçən cihaz. Yaylı dinamometrlərin iş prinsipi Huk qanununa əsaslanır. Diod (Диод) - dəyişən cərəyanı düzləndirmək üçün işlədilir, termoelektron emissiya hadisəsinə əsaslanır. Fotoelement (Фотоэлемент) - dövrəni avtomatik qapayır və ya açır. İşığın təsiri ilə keçiriciliyi artan elementdir. İş prinsipi xarici fotoeffektə əsaslanır. Areometr (Ареометр) - mayelərin sıxlığını təyin edən cihaz. İşləmə prinsipi Arximed qanununa əsaslanır. Barometr (Барометр) - atmosfer təzyiqini ölçən cihaz. İş prinsipi atmosfer təzyiqi ilə metal qutunun sıxılmasına əsaslanır. Elektroskop (Электроскоп) - cisimlərin yüklənməsini aşkar edən cihaz. İş prinsipi Kulon qarşılıqlı təsirinə əsaslanır. Elektrometr (Электрометр) - potensiallar fərqini təyin edən cihaz. İş prinsipi elektromaqnit qarşılıqlı təsirinə əsaslanır. Fotorezistor (Фоторезистор) - zəif işıq selini ölçür. İşığın təsiri ilə müqaviməti dəyişən elementdir. İş prinsipi daxili fotoeffektə əsaslanır. Ampermetr (Амперметр) - cərəyan şiddətini ölçən cihaz. İşləmə prinsipi cərəyanlı çərçivəyə maqnit sahəsinin göstərdiyi yönəldici təsirə əsaslanır. Dövrəyə ardıcıl qoşulur. Voltmetr (Вольтметр) - gərginlik ölçən cihaz. İşləmə prinsipi cərəyanlı çərçivəyə maqnit sahəsinin göstərdiyi yönəldici təsirə əsaslanır. Dövrəyə paralel qoşulur.
Tarix
Informasiya
Главная » Файлы »

“Elektron Təhsil” müsabiqəsinin qalibləri müəyyən olundu
 
Azərbaycan Respublikası Təhsil Nazirliyi tərəfindən keçirilən IV "Elektron Təhsil” və "1 şagird : 1 kompyuter” Respublika müsabiqələrinin qalibləri 23 avqust tarixində elan edildi.

"Elektron Təhsil” müsabiqəsi

"Elektron tədris vəsaitlərindən istifadə edilməklə qurulan tədris prosesinin ən yaxşı modeli”, "Təhsildə İnternet resursları” və "Müəllimlərin bloqları” nominasiyaları üzrə keçirilən IV "Elektron təhsil” müsabiqəsində 781 layihə iştirak etmişdir. Müsabiqə üzrə onlayn müzakirələrdəwww.musabiqe.edu.az İnternet səhifəsində 2013-cü ilə qədər qeydiyyatdan keçmiş 4937 müəllim, 1616 tələbə, 4405 şagird, 570 valideyn iştirak etmişdir.

Müsabiqənin məqsədi Azərbaycanın təhsil sistemində informasiya texnologiyalarının daha geniş istifadəsini stimullaşdırmaq və müəllimlər üçün bu istiqamətdə motivasiyanı artırmaqdır.

"Elektron tədris vəsaitlərindən istifadə edilməklə qurulan tədris prosesinin ən yaxşı modeli” nominasiyası üzrə I yerə Sona Səlimova (Bakı Modern Məktəbin müəlliməsi), II yerə Çingiz Əzimov (Ağdam rayonu Quzanlı kənd tam orta məktəbin 9-cu sinif şagirdi), III yerə isə Cəsarət Əzimov (Ağdam rayonu Quzanlı kənd tam orta məktəbin 11-ci sinif şagirdi) layiq görülmüşdür.

"Müəllimlırin bloqları” nominasiyası üzrə I yeri Sevil Abdulkərimova (Mingəçevir 3 nömrəli tam orta məktəbin müəlliməsi) tutmuşdur. Gülbəniz İbrahimova (Kürdəmir 1 nömrəli tam orta məktəbin müəlliməsi) II yerə, Etibar Süleymanov (Ordubad Dırnıs tam orta məktəbin müəllimi) və Şərafət Bayramov (İsmayıllı Cülyan kənd tam orta məktəbin müəllimi) III yerə layiq görülmüşlər.

Birgə layihə ilə çıxış edən Dünyabəyim Eminova və Nail Fərəcov (İsmayıllı 2 nömrəli məktəb) "Təhsildə İnternet resursları” nominasiyası üzrə I yerə, Aliyə Səlimova və Anar Səlimov (Bakı şəhər, 264 nömrəli tam orta məktəb) - II yerə, Aygün Qasımova (Şəki şəhər, 5 nömrəli tam orta məktəbin müəlliməsi) – II yerə, Aydın Əbilli (Bakı şəhər, Yeni Yazarlar və Sənətçilər Qurumu) isə III yerə layiq görülmüşdür.

Qaliblərə diplomlar, noutbuklar, netbuklar, printerlər və digər xüsusi mükafatlar təqdim olunmuşdur.

Qaliblərlə yanaşı 24 iştirakçı fərqlənənlər adına layiq görülmüşdürlər. Fərqlənən iştirakçılara da müxtəlif hədiyyələr təqdim edilmişdir. Qeyd etmək lazımdır ki, müsabiqə artıq dördüncü ildir ki, keçirilir və 2010-2012-ci illərdə keçirilən müsabiqələrdə ümumi olaraq 2000-dən artıq layihə təqdim edilmişdir.

"1 şagird:1 kompyuter” müsabiqəsi
Müsabiqənin əsas məqsədi Təhsil nazirliyi tərəfindən alınmış 200 ədəd netbuku daha səmərəli istifadə etməyə hazır olan müəllimlər və məktəblər arasında bölüşdürülməsidir.

Müsabiqəyə 206 nəfər iştirakçı layihələrini təqdim etmişdir. Qaydalara əsasən müsabiqədə yalnız II-VI sinif müəllimləri iştirak etmişdir. Müsabiqənin birinci mərhələsinə 140 iştirakçının layihəsi qəbul edilmişdir. Yaradılmış ekspert komissiyasının seçimi əsasında 30 layihə ikinci mərhələyə keçid almış və yekun olaraq 9 müəllimin layihəsi müsabiqənin qalibi seçilmişdir.

Müsabiqənin qalibləri Dilarə Şəfiyeva (Sumqayıt şəhər, TET Gimnaziyası), Afaq Eyubova (Bakı şəhər "Ankara” məktəb-liseyi), Gülzar Əliyeva (Lənkəran rayon, 4 nömrəli HTM), Zenfira Əsədova (Sumqayıt şəhər, TET Gimnaziyası), Bahar Abdullayeva (İsmayıllı rayon, 1 nömrəli tam orta məktəb), Şəhla Qəribova (Şamaxı rayon, 10 nömrəli tam orta məktəb), Sevil Xəmmədova (Bakışəhər, Bağça-məktəb-lisey kompleksi), İqbal Məmmədov (Şamaxı rayon, Nağaraxana kənd tam orta məktəbi), Rövşən Əliyev (İsmayıllı rayon, Lahıc kənd tam orta məktəb) müəyyən olunmuşdur.

Qalib gəlmiş müəllimlərin sinif otağı Təhsil nazirliyi tərəfindən Azərbaycan Təhsil Şəbəkəsinə qoşulacaq, noutbukla, proyekotrla, elektron lövhə və şagirdlərin sayına uyğun netbuklarla təchiz ediləcəkdir.
Onuda qeyd etmək lazımdır ki, "Elektron Təhsil" və "1 şagird : 1 kompyuter” müsabiqələrində iştirak edən bütün layihələr onlayn olaraq təqdim edilmişdir. Beləki, iştirakçilar www.musabiqe.edu.az veb səhifəsindən qeydiyyatdan keçərək, müvafiq ərizəni doldurduqdan sonra öz işlərini müsabiqəyə göndərmişlər. Eyni zamanda müsabiqəyə təqdim olunan işlər münsiflər heyəti tərəfindən də onlayn olaraq qiymətləndirilmişdir.

Müsabiqə "Dr. Web”, "İntel” korporasiyasının "Gələcək üçün təhsil” proqramı, "AZEDUNET”, "Ultra”, "Mədəd Azərbaycan” və "Nar Mobile” şirkətləri tərəfindən dəstəklənib.
 
 
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]